Dilmurod Muhiddinov qayerda?
NewsUz - Inson huquqlari himoyachisi, "Ezgulik" jamiyatining Marhamat tumani bo‘yicha raisi Dilmurod Muhiddinovning taqdiri hozircha noma'lum bo‘lib turibdi. Ayrim ma'lumotlarga ko‘ra, u joriy yilning 3 fevralida ozodlikka chiqarilgan. Biroq ne ajabki, ozodlikka chiqarilgan mahkum uyida yo‘q.
Dilmurod Muhiddinov ozodlikka chiqarilgani xususidagi gap-so‘zlarni eshitgan uning yaqinlari nega uyga kelmayotganidan xavotirga tushmoqdalar. Huquq himoyachisning akasi Botirjon Muhiddinovning ma'lum qilishicha, mahkumning onasi og‘ir ahvolda qolgan. Faollarining taqdiri mualliq bo‘lib qolayotganidan "Ezgulik" jamiyati vakillari ham tashvishdalar. Tashkilot rahbari Vasila Inoyatovaga ko‘ra, Jazoni ijro etish bosh boshqarmasidan amnistiya Dilmurod Muhiddinovga ham tegadi deb ishontirishgan.
Dilmurod Muxiddinov siyosiy faoliyat bilan ham shug‘ullangan. U muxolifatdagi Birlik xalq harakatining faollaridan biri bo‘lgan. U 2005 yilning 20 mayida Andijon voqealaridan bir hafta o‘tib, ushbu hodisalarni keskin tanqid qiluvchi bayonotlar tarqatgani tufayli hibsga olindi. D.Muhiddinov sud tomonidan besh yilga ozodlikdan mahrum etildi.
Fevral oyining boshlarida O‘zbekistonda bir qator inson huquqlari faollari - Karim Bozorboev, Saidjahon Zaynobiddinov, Umida Niyozov, taniqli huquq himoyachisi Baxtiyor Xamroevning o‘g‘li Ixityor Hamroev jazodan ozod etildi.
| 
