TV Co-op: telekanallar uchun imkoniyat NewsUz.Com. AQShning
O'zbekistondagi elchixonasi mamlakat telestantsiyalari uchun
Hamkorlikdagi televizion dastur (TV Co-op) loyihasini taqdim etdi.
Mazkur dastur telestantsiyalarga o‘z rejisser va operatorlarini AQShga
ikki hafta davomida oldindan birgalikda kelishilgan mavzularda maxsus
teleocherk va yangilik dasturlari tayyorlash uchun yuborish imkonini
beradi.
Elchixona matbuot xizmatining ma'lum
qilishicha, TV Co-op dasturida O'zbekistondagi markaziy, hududiy va
mustaqil telestantsiyalar ishtirok etishi mumkin. Taqdim
etilayotgan taklifda loyiha mavzusi va uni amalga oshirish rejasi,
shuningdek, TV guruhi mavzu doirasida AQShda javob topmoqchi bo‘lgan
savollar hamda materiallar uchun intervyu olinadigan matuxassislar
haqida ma'lumot bo‘lishi kerak. Shartga muvofiq, TV Co-op
loyihasida ishtirok etish uchun telestudiya dastur davomida olingan
axborotlarning kamida bittasini tayyorlash va praym-taymda ko‘rsatishni o‘z zimmasiga olishi kerak. Tanlovda
g‘olib chiqqan holda, TV Co-op loyihasi ishtirokchilariga AQShdagi
sarf-harajatlar, jumladan, mamlakat ichida safar chiptalari, mehmonxona
va ovqatlanish, vaqtinchalik tibbiy sug‘urta va boshqa kutilmagan
ishlab chiqarish xarajatlari qoplanadi. Teleguruhlar esa o‘z
ishtirokchilarini yaxshi ish holatida bo‘lgan jihozlar - professional
telekamera, shtativ, yoritish va audio uskunalari hamda video
kassetalar bilan ta'minlashi kerak. Shuningdek, ular AQShga safar
qilish chiptasi uchun xarajatlarni qoplashlari kerak. Biroq ushbu
xarajatlarni qoplashda moliyaviy ko‘mak berilishi ehimoli ham bor. Ishtirok
etish niyatidan bo‘lganlarga eslatma: co‘nggi yillarda tashkil etilgan
TV Co-op loyihalarida xalqaro terrorizm, qonunchilik, qishloq
xo‘jaligi, AQSh musulmonlari hayoti, immigratsiya va chegara
masalalari, yuridik tizim, atrof-muhit muhofazasi, narkotrafikka qarshi
kurash, kichik tadbirkorlikni rivojlantirish, Amerikada kundalik
hayotga oid voqealar yoki telestantsiyalar praym-taymda namoyish
etishga rozi bo‘lgan boshqa mavzular yoritilgandi. AQSh
elchixonasi matbuot xizmatining ma'lum qilishicha, televizion dasturlar
bo‘yicha loyihalarni topshirishning so‘nggi muddati 2008 yilnig 17
marti. Loyiha takliflari
TashkentPressCenter@state.govBu e-mail spam-botlardan himoya qilingan. Uni ko'rish uchun JavaScript ochilgan bo'lishi lozim
elektron manziliga yuboriladi
|