O'zbekistonda islohotlarni qanday amalga oshirgan ma'qul?
QSh Xalqaro Taraqqiyot Agentligi - USAID
O’zbekistonda iqtisodiy siyosatni isloh qilish mavzusiga doir 3 yillik
loyihani yakunladi.
Tadqiqotlar AQShning Bearing Point.Inc kompaniyasi va o`zbekistonlik mutaxassislar ishtirokida o`tkazilgan.
Loyiha maqsadi bank sektorini mustahkamlash, kichik va o`rta biznes
uchun iqtisodiy sharoitni yaxshilash, byudjet, soliq va davlat
nazoratini takomillashtirishdir.
Tadqimot marosimidagi ayrim hisobotlarda O`zbekiston iqtisodiyotida
radikal o`zgarishlar emas, balki real iqtisodiy siyosatdan kelib
chiqqan holda islohotlar taklif qilinadi.
Paxta hosildorligida davlat buyurtmasi va fermer xojaliklari haqida
tadqiqot o`tkazgan Yuliy Yusupovning aytishicha, hozirgi real vaziyatda
hukumat davlat byurtmasidan voz kechmasligi aniq, shu bois u davlat
buyurtmasini takomillashtirish ustida izlangan.
Uning aytishicha, 1995-2006 yillarda paxta hosildorligi 5 foizga kamaygan.
“Men paxta bo`yicha davlat rejasini sekin-asta bekor qilish
tarafdoriman, biroq yaqin yillarda davlat bu islohotlarga bormaydi va
bunga o`zining asoslari bor. Shu bois ham biz real iqtisodiy vaziyatdan
kelib chiqqan holda paxtaga nisbatan mavjud davlat rejasini
takomillashtirishni taklif qilayapmiz”, - deydi konsalting loyihalar
kompaniyasining ilmiy tadqiqotchisi Yusupov.
Uning ta’kidlashicha, davlat rejasini belgilashda yer ahvoli
inobatga olinmayapti, rejani uddalagan fermerlar uchun daromad ko`rish
manbai muvofiqlashtirilmagan.
“Agar fermer rejani 130 foizga bajarsa, hosilning qolgan qismini
norasmiy ravishda sotishni xohlaydi, davlatga topshirishni emas, chunki
davlat ertaga bu fermerga nisbatan paxta rejasini yanada ko`paytirishi
mumkin”, - deydi Yusupov.
Ta`kidlash lozim O`zbekistondagi mavjud iqtisodiy vaziyatda fermerlarning paxtadan daromad ko`rishi o`ta qiyin.
Paxta asosan davlat buyurtmasi mavjudligi, yer fermerlarga paxta
ekish sharti bilan ijaraga berilayotgani uchun ekilishi ta`kidlanadi.
Loyihaning asosiy homkorlaridan biri - Ozbekiston Iqtisodiy
Tadqiqotlar Markazi. Markaz direktori o`rinbosari Nishonboy
Sirojiddinov AQSh kompaniyasi bilan hamkorlik iqtisosdiy izlanishlarda
muhim yordam ko`rsatganini ta`kidlaydi.
“Hamkorligimiz bir necha yo`nalishlarda amalga oshdi. Ayniqsa,
tadqiqotlarni amalga oshirish yuzasidan yordam ko`rsatildi. Muhim
loyihalar xorijlik ekspertlar ishtiroki bilan ta`minlandi. Ular
yordamida biz O`zbekiston iqtisodi uchun aktual bo`lgan mavzularda
dokladlar tayyorladik, iqtisod bo`yicha talabalar o`rtasida tanlovlar
o`tkazdik”, - deydi Sirojiddinov.
“O`zbekistonda Iqtisodiy Islohotlar” loyihasi davomida o`tkazilgan ayrim tadqiqotlar rasmiy ko`rsatkichlardan farq qilmaydi.
2006 yildagi iqtisodiy vaziyatga bag`ishlangan tahliliy sharhga
ko`ra, O`zbekiston yalpi ichki mahsulot o`sishi bo`yicha Rossiya va
Qozog`istonni ortda qoldirgan. Sanoat mahsulotlarini ishlab chiqarish
bo`yicha MDH miqyosida Belarus va Ozarbayjondan so`ng uchinchi o`rinni
band etadi.
Mustaqil sharhlovchilar fikriga ko`ra, O`zbekistondagi iqtisodiy
o`sish va iqtisodiy islohotlar haqida berilayotgan rasmiy bayonotlar
real hayotdan uzoq.
“O`zbekistonda Iqtisodiy Islohotlat” loyihasi yakuniga oid
taqdimotda AQShning O`zbekistondagi elchisi Richard Norland ham
ishtirok etgan va iqtisodiy islohotlar bo`yicha hamkorlik muhimligini
ta`kidlagan.