QSh Davlat departamenti inson huquqlari bo’yicha yillik xalqaro hisobotini
chop etdi. Unda o’nlab mamlakatlardagi, xususan O’zbekistondagi vaziyat
aks etgan. Hisobotga ko’ra, ko’p mamlakatlarda inson huquqlari ahvoli
yomonligicha qolmoqda.
Shimoliy Koreya, Birma, Eron, Suriya,
Zimbabve, Kuba, Belarus, Eritreya, Sudan va O’zbekiston inson huquqlari
muntazam ravishda buziladigan 10 mamlakat qatoriga kiritilgan.
AQSh
Davlat kotibasi Kondoliza Raysning aytishicha, ko’plab mamlakatlarda
inson huquqlari uchun kurashayotgan faollar ta’qib ostiga olinmoqda,
vatan xoinlari sifatida tamg’alanmoqda.
Davlat
departamentining hisobot ustida ishlagan idorasi rahbari Jonatan Farrar
Olimpiya o’yinlariga mezbonlik qilishga taraddud ko’rayotgan Xitoyni
ham inson huquqlari poy mol etilishida aybladi.
"Ayniqsa huquq faollari va Internet qattiq nazorat ostida," deydi rasmiy.
Xitoyda
eng ko’p ta’qibga uchrayotgan guruh – bu mamlakat g’arbida yashayotgan
uyg’urlar. Terrorga qarshi kurash bahonasida hukumat ularni ta’qib
etmoqda. Biroq rasmiy Pekin nazarida ayrimlar mamlakatning terrorga
qarshi harakatlarini davlatning uyg’urlarga nisbatan siyosatiga
bog’lamoqda.
Hisobotning O’zbekistonda inson huquqlariga bag’ishlangan qismi 25 sahifadan iborat.
Unda prezident Karimov va u boshliq hukumatning mamlakatda siyosiy
hayotni, nodavlat tashkilotlar va diniy guruhlar faoliyatini to’liq
nazorat ostiga olgani qayd etiladi.
Xavfsizlik kuchlari so’roq paytida mahbuslarni muntazam ravishda
qiynoqlarga soladi, ba’zi paytlarda esa bu o’lim hollariga olib kelgan,
deyiladi hisobotda.