Prezidentning topshirig‘i
19.03.2008 y.
NewsUz.Com. O‘zbekistan
tiklanish va taraqqiyot jamg‘armasining ustav kapitali 2008-2010
yillarda besh baravarga oshishi va 5 mlrd. dollarga yetishi mumkin.
Mamlakat rahbari Islom Karimov bu to‘g‘rida qabul qilgan qarorida
Vazirlar Mahkamasiga kerakli pul manbalari izlashni topshirdi. Nizom
jamg‘armasi oshishini ehtiyojlarning o‘sishi bilan izohlash mumkin.
«O‘zbekiston
Respublikasi tiklanish va taraqqiyot jamg‘armasi faoliyatini yanada
kengaytirish, resurs bazasini mustahkamlash chora tadbirlari
to‘g‘risida»gi qarorida 2009 yilda davlat byudjetini shakllantirishda
jamg‘arma kapitalini oshirishni e'tiborda tutish ta'kidlanadi. Qarorda
jamg‘arma kapitalini oshirish uchun Markaziy bank ixtiyorida turgan
hukumatning xorijiy valyutadagi aktivlari, byudjet profitsiti
mablag‘lari hamda boshqa ichki manbalardan foydalanish tavsiya etilgan.
O‘zbekistan tiklanish va taraqqiyot jamg‘armasi 2006 yili
moliya vazirligi muassisligida tashkil etilgan. Jamg‘arma
mablag‘laridan xalqaro moliya institutlari, xorijiy sarmoyadorlardan
bo‘lgan qarzlarni uzish maqsadida foydalanilishi mumkin. Jamg‘arma
mablag‘i ko‘zda tutilgan miqdordan yuqori ko‘rsatkichda byudjetga
tushayotgan soliqlar va boshqa manbalardan shakllantirilgan. Jamg‘arma
mablag‘lari barcha turdagi soliq va to‘lovlardan ozod etilgan. Joriy
yilda O‘zbekiston energetika, neftegaz, kimyo, irrigatsiya sohalarida
sakkizta loyihani amalga oshirish uchun jamg‘armaning 204,5 mln. dollar
mablag‘idan foydalanishi ko‘zda tutilgan
|