O‘zbekistonda yahudiy delegatsiyasi
NewsUz -
Buxoro yahudiylari butunjahon kongressining 120 kishidan iborat katta
delegatsiyasi O‘zbekistonga keldi. Ochiq axborot manbalariga ko‘ra,
delagatsiyaga ushbu kongress prezidenti, ishbilarmon sifatidan nom
chiqargan Lev Levaev rahbarlik qilyapti. Bu odam nomi mamlakatda ancha
tanilgan.
Yahudiy jamoasi dunyo siyosatida katta
ta'sirga ega. Shu ma'noda ularning O‘zbekiston siyosatiga ham ma'lum
ma'noda ta'siri bor, deydi kuzatuvchilar. Yahudiy
delegatsiyasining tashrifi munosabati bilan Toshkentdagi Alisher Navoiy
nomidagi opera va balet teatrida kontsert uyushtirildi.
Ishtirokchilaridan birining aytishicha, kontsert juda dabdabali tarzda
o‘tgan. O‘zbekistondagi katta qabul uchun esa Lev Levaevdan boshlab,
Isroil davlatining Toshkentdagi elchisi Ami Mel, yahudiy parlamenti
a'zosi Amnon Koengacha - barchasi minnatdorchilik aytgan. To‘g‘risi,
oxirgi paytlarda O‘zbekiston bu kabi - yuz kishidan ziyod yirik
delegatsiyaga mezmonlik qilmagan va bunday yuqori darajada kutib
olmagandi. Ma'lum bo‘lishicha, isroillik mehmonlar Samarqand, Buxoro hamda Toshkent shaharlaridagi tarixiy obidalarni ko‘radi. Aslida
O‘zbekistonda bor-yo‘g‘i yigirma ming yahudiy istiqomat qiladi. Mazkur
etnik guruhning aksariyat vakillari mustaqillik arafasida va undan
keyin Isroilga ketib qolgan. Bu yerda qolganlari ham iqtisodiy jihatdan
to‘q aholi guruhiga kiradi. Buxoro yahudiylari yetakchisi bo‘lgan Lev
Levaev ham dunyodagi badavlat shaxslardan biri. Olmos savdosi bo‘yicha
peshqadam bo‘lgan bu odamga qarashli «Leviev Grup» kompaniyasi 3
milliard dollar atrofida mablag‘ oborot qiladi. 1956 yilda Toshkent
shahrida tug‘ilgan bu shaxs ayni paytda Buxoro yahudiylari butunjahon
kongressiga rahbarlik qiladi. Mazkur tashrifdan bir necha kun
oldin Press-uzinfo saytida adliya vazirligi vakilining O‘zbekistondagi
yahudiy jamoasi rahbari Abe Dovid Gurevich mamlakat qonunchiligini
buzayotgani, yaqin kunlarda u bosh bo‘lgan diniy tashkilot faoliyati
to‘xtalishi haqidagi fikrlari e'lon qilingandi. Mamlakat
adliya idorasi bundan avvalroq «Joint Distribution Committee, Inc.»
yahudiy jamoasiga yordam berish tashkiloti ham yopilishi xususida
|