NewsUz - Inson huquqlari bo‘yicha Yevropa sudi O'zbekiston fuqarosi,
ekstremizmda gumon qilinayotgan Dilshod Qurbonovni Rossiyadan majburiy
tartibda vataniga ekstraditsiya qilishni taqiqlash tog`risida qaror
qabul qildi. O'zbekiston huquq idoralari Rossiyadan uni zudlikda
yuborishni so‘rayotgan edi.
Esktradiyani to‘xtatish to‘g‘risidagi Yevropa sudi qarori Rossiya hukumatiga taqdim etilgan. Bundan avvalroq Dilshod Qurbonovning esktraditsiya qilish to‘g‘risidagi qaror ustidan yozgan shikoyati e'tiborsiz qoldirilgani xususida xabar bergan edik.
Strasburgdagi yig‘inda Yevropa sudi Rossiya tomonini Andijon
voqealariga aloqadorlik ayblovi bilan O'zbekistonni tark etishga majbur
bo‘lgan 13 tadbirkor huquqini buzganlikda ham aybladi. Bunga ko‘ra,
vatanini majburan tark etgan fuqarolar yigirma oy davomida hibsda
ushlab turilgan va ularning huquqlari buzilgan. Yevropa sudi
qarorida har bir sudlanuvchiga 23,910 dollar tovon, ularning barchasiga
umumiy hisobda sud xarajatlari uchun 28,228 ming dollar to‘lanishi
lozimligini aytgan. Yevropa sudi a'zosi sifatida Rossiya
Strasburgda chiqarilgan qarorga bo‘ysunishi kerak. Lekin tartib-qoidaga
ko‘ra, rus rasmiylari uch oy ichida mahkama qarori ustidan shikoyat
yozishi mumkin. Kuzatuvchilarga ko‘ra, Rossiya Yevropa sudi qarorini
shikoyatsiz ham bajarmasligi mumkin. Chunki u odatda tavsiya
xarakteriga ega bo‘ladi. |