Hamon Kuba bilan bir safda NewsUz "Freedom House"
tashkiloti dunyoda matbuot erkinligi ahvoliga bag‘ishlangan hisobot
e'lon qildi. Unda O'zbekiston matbuot erkinligi eng yomon holatda
bo‘lgan davlatlar qatoriga kiritilgan. Hisobot "2007 yilda matbuot
erkinligi: Global ortga ketish yili" deb ataladi. Unga ko`ra... Tadqiqotda 195 dan ortiq davlatdagi holat tahlil etilgan. Bunga
ko‘ra, o‘tgan yili 72 davlatda matbuot erkinligi tamoyiliga rioya
etilgan. 59 ta davlatda matbuot qisman erkin faoliyat yuritgan. Qolgan
64 ta davlatda esa matbuot erkinligi cheklangan. Shu tariqa dunyoning
atigi 18 foiz aholisi erkin matbuot muhitida yashagan. 40 foizi qisman
va 42 foizi mutlaq cheklangan ommaviy axborot vositalari xizmatidan
foydalangan. Hisobotda O'zbekiston matbuoti erkinligi borasida
Birma, Kuba, Shimoliy Koreya, Ekvatorial Gvineya, Zimbabve va
Turkmaniston bilan bir safga qo‘yilgan. 2007 yilda mamlakatda
xorijiy radio hamda telekanallarga qarshi targ‘ibot kampaniyasi
kuchaygani, "Nemis to‘lqini" radiosi muxbirlariga nisbatan bosim
o‘tkazilgani matbuot erkinligi buzilishini taqiqlovchi dalil sifatida
keltirilgan. O'tgan yil kuzda Qirg‘izistonda o‘zbek
jurnalisti Alisher Soipov o‘ldirib ketilgandi. Xalqaro tashkilot
taniqli jurnalistning o‘limida maxsus xizmatlar ishtiroki to‘g‘risidagi
taxminlar borligini qayd etgan. Tadqiqotda xususiy nashrlar ustidan ham
nazorat kuchaygani, masalan, tez fursatda ommalashgan "Odamlar orasida"
gazetasi yopib qo‘yilgani aytiladi.
|