Odilov umrining yigirma to‘rt yilini qamoqda o‘tkazdi. NewsUz - O'zbekistondagi
eng keksa siyosiy mahbus sanalgan Ahmadjon Odilov ozodlikka chiqarildi.
Sakkiz yil davomida Moskvaning Butirka qamoqxonasida sudsiz o‘tirgan,
keyinroq O'zbekistonda hibs qilingan A. Odilov sakson uch yillik
umrining yigirma to‘rt yilini qamoqda o‘tkazdi. Ahmadjon Odilov 1925 yilda, Namangan viloyati G'urumsaroy
qishlog‘ida tug‘ilgan. Mehnat faoliyatini 12 yoshidan kolxozda
tabelchilikdan boshlagan. O'rta maktabni tugatgan, oliy ma'lumotga ega
emas. O'zbekiston kompartiyasi rahbari Sharof Rashidov bilan
yaqin munosabatda bo‘lgan Odilov Namangan viloyatida yirik agrosanoat
birlashmasiga rahbarlik qilgan. (majmua tarkibiga 40 ming odam, 14
sovxoz, 17 ta kichik korxona kirgan). SSSR davrida qator yuqori
lavozimlarga saylangan, Sotsialistik mehnat qahramoni unvoni bilan
taqdirlangan. 1984 yilning 13 avgustida u va ukasi Mo‘minjon
Odilov hibsga olingan. Odilovlar ishi bo‘yicha 1000 ga yaqin kishi -
onasidan tashqari barcha tanishlari, yaqinlari qamalgan. U davlat
mulkini talon-taroj qilish, mansabini suiiste'mol qilishda ayblangan.
SSSR matbuotida u o‘rta asr mustabidi, odamxo‘r sifatida ta'riflangan.
Biroq SSSR bosh prokuraturasi tomonidan unga qarshi qo‘yilgan ayblar
sud jarayonida isbotlanmagan va ish bir necha marta qayta tergov
yuborilgan. Shu tariqa 8 yil davomidagi Moskvadagi Butirka
qamoqxonasida sudsiz o‘tirgan.
1991 yilning 15 noyabrida
O'zbekiston prezidenti Islom Karimov SSSR Oliy sudiga A. Odilov
xususida murojaat qilgan va u Toshkentga qaytarilgan. 1991 yilning 24
dekabrida tilxat bilan ozodlikka chiqarilgan. 1991 yilning dekabrida
o‘tgan saylovda u Islom Karimovni qo‘llab-quvvatlagan. 1992
yili uning tarafdorlari yangi siyosiy partiya tuzishga harakat qilgan.
1993 yil iyun yilda Ahmadjon Odilovni qo‘qqisdan yana hibsga olingan.
Qo‘qon shahar sudi tomonidan besh tonna mineral o‘g‘it o‘g‘irlashda
ayblanib, to‘rt yilga ozodlikdan mahrum qilingan. Qamoqdaligida Odilov
SSSR davridagi iqtisodiy jinoyatlari uchun o‘n yilga ozodlikdan mahrum
etilgan. 1996 yilda - qamoq muddati tugayotgan paytda uning
buyumlari orasida narkotik moddalari "topilgan" va qamoq muddati
cho‘zilgan. Shu tariqa 1997 yili, 2001 yili, 2004 yillarda Navoiy va
Qashqadaryo viloyati hududidagi qamoqxonalarda unga berilgan muddatga
turli sabablar bilan yana muddat
|