NewsUz.Com.
O'zbekistonlik taniqli inson huquqlari himoyachisi Mo‘‘tabar Tojiboeva
2 iyun kuni ozodlikka chiqarildi. Ma`lum bo`lishicha, 970 kun davomida
ozodlikdan mahrum etish muassasasida saqlangan mahkuma ayol shu kuni
soat 18 larda Marg‘ilondagi uyiga tez yordam mashinasida keltirilgan.
"O'tyuraklar
klubi" asoschisi bo‘lgan M. Tojiboeva 2005 yilning oktyabrida hibsga
olingan va firibgarlik hamda yana bir qator moddalarda ayblanib, sakkiz
yilga ozodlikdan mahrum etilgan. Sud jarayonida u qo‘yilgan ayblarni
tan olmagan. U Andijon voqealari borasida rasmiy munosabatni tanqid
qilgan mahalliy faollardan biri edi. Tahlilchilar M. Tojiboeva
ozod etilishi Amerika Davlat kotibi yordamchisi Richard Baucherning
O'zbekistonga safari va mamlakat rahbarlari bilan uchrashuviga to‘g‘ri
kelganiga e'tibor qaratganlar. Bundan avvalroq huquq himoyachisi jasoratli faoliyati uchun Martin Ennals nomidagi xalqaro mukofot sohibi deb e'lon qilingandi. M. Tojiboevaning nomzodi Nobel mukofotiga ham taqdim etilgan. |