NewsUz - Rossiya
ichki ishlar vazirligi tezkor xodimlari ishtirokidagi maxsus operatsiya
chog‘ida Moskva viloyati Ramenskiy tumanida zo‘ravonlik bilan qul
sifatida saqlangan ellik nafar O'zbekiston fuqarosi ozod etilgan.
O'zbeklarni qullikda ushlab turgan shaxslar bu gal rossiyaliklar emas,
ozarbayjonlar...
Xabarlarga ko‘ra, ishlash uchun
Rossiyaga kelgan O'zbekiston fuqarolarining hujjati olib qo‘yilgan.
Asirlar kuniga 12 - 14 soat davomida majburan ishlatilgan,
kaltaklangan, ular orasidagi ayollarga zo‘ravonlik qilingan. Og‘ir va
mashaqqatli mehnat evaziga haq ham berilmagan. Rossiyada
xorijdan, shu jumladan, O'zbekistondan borayotgan muhojirlarning o‘ta
og‘ir sharoitlarda saqlanayotgani, ularga noinsoniy munosabatda
bo‘linayotgani, ularning huquqlari shafqatsizlarcha toptalayotgani
jiddiy muammolardan bo‘lib qolmoqda. Yaqinda AQSh davlat departamenti tomonidan odam savdosi bo‘yicha e'lon qilingan hisobotda ham
Rossiyaga Markaziy Osiyo davlatlari qatori O'zbekistondan kelayotgan
erkak va ayollarning majburiy mehnat va jinsiy zo‘ravonlik qurboni
bo‘layotgani xavotir bilan qayd etilgandi |