NewsUz. O'zbekiston prezidenti davlat maslahatchisining sobiq o‘rinbosari To‘lqin Usmonov Toshkent viloyati jinoyat ishlari sudi tomonidan 9 yilga ozodlikdan mahrum etildi. E'tiborli jihati, ushbu amaldor yaqingacha ham aynan huquq-tartibot organlari faoliyatini muvofiqlashtirish bo‘yicha faoliyat yuritgan...
Prezident devoni amaldori mamlakat Jinoyat kodeksining 205- (xizmat vazifasini suiiste'mol qilish), 210- (poraxo‘rlik) moddalari bilan ayblangan.
Avvalroq prezidentining davlat maslahatchisi Anvar Nabiev ishdan ketgani va unga qarshi jinoiy ish ochilgan xususida xabar bergandik. T. Usmonov ana shu amaldorga muovinlik qilgan.
Axborot manbalariga ko‘ra, A. Nabiev ayni paytda shartli jazoga hukm etilgan. Boshqa xabarlarda esa uning taqdiri va qaerda jon saqlayotgani noma'lum ekani aytilmoqda.
T. Usmonovning sudga tortilishi xususida xabar bergan aksariyat nashrlar ushbu ish yollanma bo‘lishi ehtimolini ham bildirganlar |