Main » 2008 » Декабрь » 2 » Yevropa Ittifoqi bilan yaqinlashuvdan oddiy xalq nima naf ko'radi?
Yevropa Ittifoqi bilan yaqinlashuvdan oddiy xalq nima naf ko'radi?
19.08
Yevropa Ittifoqi bilan yaqinlashuvdan oddiy xalq nima naf ko'radi?
Malik Mansur Amerika Ovozi 02/12/2008
Yevropa Ittifoqining Markaziy Osiyo bo`yicha
maxsus vakili Pier Morell boshchiligidagi delegatsiya kecha Toshkentda
muzokaralar o`tkazgan.
O’zbekiston rahbariyati bilan muloqotda inson huquqlari ahvoliga
alohida e’tibor qaratilgani ta`kidlanadi.
Yevropa Ittifoqi va O’zbekiston
hukumati o`rtasida munosabatlar rivojlanmoqda, ammo bu rishtalardan xalqqa
qanday naf tegadi?
Fransiyaning O'zbekistondagi
elchixonasiga ko`ra Yevropa delegatsiyasi
O`zbekiston tashqi ishlar va adliya vazirlari bilan uchrashgan.
Elchixona matbuot kotibasi Farida Sharifullinaning
aytishicha Tashqi ishlar vaziri Vladimir Norov bilan uchrashuvda
Afg`onistondagi
vaziyat, Yevropa Ittifoqi va O`zbekiston hamkorligi, shuningdek, inson
huquqlari borasida gap borgan.
Jamoatchilik orasida esa Yevropa Ittifoqi va rasmiy Toshkent
o`rtasida huquq yuzasidan kechayotgan muloqotga nisbatan qarashkar turlicha.
Yevropa Ittifoqi O`zbekistonda yaqin o'tgan oylarda bir necha huquq
himoyachisi qamoqdan ozod etilgani va ulardan biri Mo`tabar Tojiboyevaning xorijga
chiqishi uchun ruxsat berilganini olqishlagan.
Ittifoq mustaqil jurnalist
Solijon Abdurahmonov va siyosiy faol A'zam Turg`unovning uzoq yillik qamoq jazosiga
hukm qilinganini qoralab, ular nohaq sud qilinganini qayd etgan.
O`zbekistonda o`lim jazosining bekor
qilingani va fuqarolarning qamoqqa olinishini endi faqat sud buyura
olishi mumkinligi haqida yangi qonunlar ham Yevropa Ittifoqi tomonidan
iliq kutib olingan edi.
Biroq
yaqinda mamlakatda ro'yxatga
olingan “Ezgulik” inson huquqlari jamiyati nazarida yangi qonunlar yoki
ularga o'zgartirishlar kiritish bilan vaziyat yaxshilanib qolmayapti.
Ushbu tashkilot islohotlarni sarhisob qilish uchun anjuman o'tkazganida unda davlat idorasi vakili ham qatnashgan.
"Ezgulik" rahbari Vasila Inoyatovaning aytishicha, hukumat bilan muloqot qilishning fursati yetgan.
“Biz O`zbekistonda sud-huquq
tizimida inson huquqlarining buzilishi haqida bir qancha hisobotlar tayyorlagan
edik. Bu hukumatga yoqmagan bo`lishi mumkin. Tergov
jarayonida advokatlarning ham huquqlari bu`zilayotgani ta`kidlandi. Hukumat
idoralari huquq himoyachilarini qora bo`yoqda ko'rishni to`xtatishi kerak. Biz
birgalikda mavjud qonunchiliklarga o`zgartirishlar kiritishimiz, muloqot
qilishimiz uchun vaqt keldi”,- deydi Inoyatova.
Bosh prokuratura vakili qatnashgan anjumanda ayrim siyosiy mahbuslar taqdiri haqida ham gapirilgan.
Jumladan, shoir Yusuf Juma oilasi
tomonidan yozilgan apellyatsiya shikoyatlari inobatsiz qolayotgani,
qamoqxonada silga chalingan huquq himoyachisi Alisher Karomatovning yordamga
muhtojligi ta`kidlangan.
Konferensiyada ishtirok etgan muxolifat
vakillaridan biri Botir Norboyev fikricha avtoritar tuzumdan voz kechilmas ekan,
islohotlar ish bermaydi.
“Tumanlarda, viloyatlarda hokimlar
avtoritar hukmdorlardir. Hokim sudga aytib siyosiy faollarni qamashi
mumkin. Oshkoralik bo`lmagan jamiyatda sudning mustaqilligi haqida gap
bo`lishi mumkin
emas",- deydi Norboyev.
Uning ta'kidlashicha,
amaldorlar biror kishini qamamoqchi bo`lsa sud bilan bu borada kelishib
ketaveradi. Jurnalistlar va matbuot sabab nima deb so'ray olmaydi.
Bunga jur'at etgan jurnalistning o'zi xavf ostida qoladi, deydi
Norboyev.
Yevropa
Ittifoqi O`zbekiston hukumatiga nisbatan 2005 yilda joriy etgan
sanksiyalarni qisman bekor qilgan va yumshatgan. Buning shartlaridan
biri shu ediki, O'zbekistonda inson huquqlari sezilarli darajada
e'zozlana boshlashi, erkin fikrlovchi fuqarolarga o'z fikrini bayon
etish uchun yo'l berilishi lozim.
Hozircha, deydi jamoatchilik vakillari, hukumat zimmasidagi vazifalarni bajarmagan
Views: 1058 | Added by: himoyachi | Rating: 0.0/0 |